Հարդենը երկարաձգել է պայմանագրի ժամկետը. Հարդենի աշխատավարձը կկազմի 26,5 միլիոն դոլար
«Հյուսթոն Ռոքետս»-ի առաջատար Ջեյմս Հարդենը երկարաձգել է թիմի հետ պայմանագրի ժամկետը: Գալիք մրցաշրջանում Հարդենի աշխատավարձը կկազմի 26,5 միլիոն դոլար: Եթե ամերիկացի բասկետբոլիստը որոշի ևս մեկ մրցաշրջան անցկացնել «Հյուսթոն Ռոքետս»-ում, ապա 2-րդ տարվա համար կստանա 28,3 միլիոն դոլար: Ամեն հաջորդ մրցաշրջանի համար գումարն ավելի է ավելանալու, և վերջում՝ պայմանագրով նախատեսված 2020 թվականի ավարտին, բասկետբոլիստը ընդհանուր առմամբ վաստակած կլինի 118 միլիոն դոլար: Այս մասին հայտնում է «Հյուսթոն Ռոքետս»-ի պաշտոնական կայքը:
Բասկետբոլիստը խոստովանել է, որ երկարաձգել է պայմանագրի ժամկետը «Հյուսթոն Ռոքետս»-ի հետ անհնարինն իրականություն դարձնելու և բասկետբոլի ազգային ասոցիացիայում հաջողության հասնելու համար:
