Քերին մեկնելու է Մոսկվա՝ քննարկելու Սիրիայի, Ուկրաինայի և Լեռնային Ղարաբաղի հարցերը
ԱՄՆ պետդեպարտամենտի պաշտոնական ներկայացուցիչ Ջոն Քիրբին հայտարարել է, որ ԱՄՆ պետքարտուղար Ջոն Քերին այս շաբաթ այցելելու է Մոսկվա:
«Հուլիսի 14-ի երեկոյան նա (Քերին) կմեկնի Մոսկվա, որտեղ մի շարք հանդիպումներ կանցկացնի ռուսաստանցի բարձրաստիճան անձանց հետ՝ քննարկելու համար Սիրայի, Ուկրաինայի, Լեռնային Ղարաբաղի եւ այլ հարցեր»,- ճեպազրույցում հայտարարել է Քիրբին:
Ռուսաստանի արտգործնախարարությունում հավաստել են, որ Քերին կժամանի Մոսկվա:
Քերիի այցը Ռուսաստան կկայանա հուլիսի 14-15-ը ԱՄՆ-ի պետքարտուղարի եվրոպական շրջագայության շրջանակներում, ասված է Պետդեպի մամուլի տեղեկագրում:
Ուղեւորության ընթացքում Քերին նաեւ կայցելի Փարիզ, Լյուքսեմբուրգ եւ Լոնդոն, իսկ Բրյուսելում կհանդիպի Եվրամիության երկրների արտաքին գործերի նախարարների եւ ԵՄ-ի արտաքին գործերի ներկայացուցիչ Ֆեդերիկա Մոգերինիի հետ՝ «քննարկելու համար արտաքին քաղաքականության հանգուցային առաջնահերթությունները», հաղորդել է ՌԻԱ Նովոստին:
