Լավրովն ու Մամեդյարովը քննարկում են ԼՂ հիմնահարցը
Ադրբեջանի արտաքին գործերի նախարար Էլմար Մամեդյարովը և Ռուսաստանի Դաշնության արտգործնախարար Սերգեյ Լավրովը քննարկում են Լեռնային Ղարաբաղի հակամարտության կարգավորման հիմնահարցը:
Այս մասին տեղեկացնում է ադրբեջանական ԱՊԱ գործակալությունը` հայտնելով, որ երկու երկրի արտգործնախարարների միջև հանդիպումն արդեն մեկնարկել է:
Բացի ԼՂ հակամարտության հարցի քննարկումից կողմերը խոսելու են նաև Ադրբեջան-Ռուսաստան համագործակցության մասին:
Լավրովն Ադրբեջան է այցելել հուլիսի 11-ին և արդեն հանդիպել է նախագահ Իլհամ Ալիևի հետ: Հանդիպման ընթացքում Ռուսաստանի արտաքին գործերի նախարարը հայտնել է, որ մտադիր է քննարկել Լեռնային Ղարաբաղի հակամարտության կարգավորմանն ուղղված կոնկրետ քայլեր:
«Գործընթացն իրականում շարունակվում է, և նախագահ Պուտինը բավարարված է Սանկտ Պետերբուրգի հանդիպմամբ. նրա հանձնարարությամբ ես այցելում եմ երկու երկրների մայրաքաղաքներ: Հուսով եմ, որ այսօրվա հանդիպումը թույլ կտա ավելի հստակորեն ուրվագծել հետագա քայլերը»,- ասել է Լավրովը:
Լավրովը Երևան էր այցելել հուլիսի 4-ին:
