«Սա իմ կարիերայի ամենաֆանտաստիկ պահերից մեկն է». Կրիշտիանու Ռոնալդու
Պորտուգալիայի հավաքականի հարձակվող Կրիշտիանու Ռոնալդուն մեկնաբանել է պորտուգալացի ֆուտբոլիստների հաղթանակը, ովքեր Եվրո-2016-ի եզրափակչում 1:0 հաշվով պարտության մատնեցին Ֆրանսիայի ազգային թիմին:
«Ես երջանիկ եմ, ես սպասել եմ այս շանսին 2004 թվականից: Գտնում եմ, որ մենք ամբողջ երկրով արժանի էինք այս հաղթանակին: Սա իմ կարիերայի ամենաֆանտաստիկ պահերից մեկն է: Ես միշտ ասել եմ, որ ուզում եմ ինչ-որ բան հաղթել իմ երկրի համար, և ահա այդ պահը եկավ:
Դժբախտաբար, եզրափակչում ես վնասվածքի պատճառով շուտ լքեցի դաշտը, բայց ես մնացի թիմի հետ և շարունակում էի հավատալ մեր հաղթանակին»,- Ռոնալդուի խոսքերն է մեջբերում «Чемпионат»-ը:
Պատրաստեց Անի Գաբուզյանը
