Ջավախքում հայտնաբերել են հայ ընտանիքի 37-ամյա մոր և 3 երեխաների դիերը
Georgiaonline-ի փոխանցմամբ՝ Ախալքալաքի շրջանի Վաչիանի գյուղի տներից մեկում հայտնաբերել են 37-ամյա կնոջ և նրա 3 երեխաների դիերը: Երեխաներից երկուսն անչափահասներ էին: Նախնական տեղեկություններով՝ դեպքը տեղի է ունեցել 2 օր առաջ, սակայն հարևանները երեկ են հայտնաբերել նրանց դիերը: Ըստ կայքի՝ երեխաները եղել են 5, 16 և 18 տարեկան: Մոր և երեխաների դիերը տեղափոխել են Նինոծմինդայի դիահերձարան, որտեղ կկատարվի փորձաքննություն:
Տանը եղել են կինն ու երեխաները, իսկ ընտանիքի հայրը արտագնա աշխատանքի է մեկնել Ռուսաստան:
