«Մանչեսթեր Յունայթեդում» դեմ են Մուրինիոյի և Մխիթարյանի պատճառով Մատայի հեռանալու որոշմանը
«Մանչեսթեր Յունայթեդի» ֆուտբոլիստները դժգոհություն են հայտնել Մատայի որոշման վերաբերյալ: Ավելի վաղ Մատան նշել էր, որ ցանկանում է հեռանալ ակումբից:
Անգլիացի վերլուծաբանները գտնում են, որ Մատան որոշել է փոխել ակումբային գրանցումը նորանշանակ գլխավոր մարզիչ Ժոզե Մոուրինիոյի պատճառով:
Մատան կարծում է, որ տեղ չի ունենա Մոուրինիոյի թիմում: Մատայի որոշմանը նպաստել է նաև Հայաստանի ազգային հավաքականի կիսապաշտպան Հենրիխ Մխիթարյանի տեղափոխությունն անգլիական ակումբ: Ըստ վերլուծաբանների՝ Մատան անզոր է պայքարել Մխիթարյանի դեմ նույն դիրքում, և դա հասկանալու պատճառով էլ ուզում է հեռանալ:
Հիշեցնենք, որ դեռ «Չելսիում» Մոուրինիոն Մատային դուրս բերեց մեկնարկային կազմից, և հենց այդ պատճառով էլ Մատան տեղափոխվեց Մանչեսթեր:
Սիրարփի Աղաբաբյան
