Ադրբեջանցիների բանկային ավանդները կրճատվել են 20 տոկոսով
Ադրբեջանում բնակչության բանկային ավանդները 2016թ. հունիսի 1-ի դրությամբ կազմում են 7 մլրդ 565,9 մլն մանաթ, հայտնում է «Ինտերֆաքս-Ադրբեջանը»՝ հղում կատարելով Ադրբեջանի Կենտրոնական բանկին:
Ինչպես ավելի վաղ հաղորդվել էր, 2015թ. վերջին բնակչության ավանդները բանկերում կազմել են 9 մլրդ 473,9 մլն մանաթ:
Այդկերպ, 2016թ. հունվար-մայիսին ադրբեջանցիների բանկային ավանդները կրճատվել են 20,1 տոկոսով:
Ընդ որում՝ այս տարվա մայիսին բնակչության ավանդների նվազման միտումը շարունակվել է:
