Էրդողանը հայտնել է Պուտինի հետ հանդիպման հնարավոր ժամկետը
Թուրքիայի նախագահ Ռեջեփ Թայիփ Էրդողանը հայտարարել է, որ ՌԴ նախագահ Վլադիմիր Պուտինի հետ հանդիպման օրը դեռ չի համաձայնեցվել: Այս մասին նա ասել է լրագրողներին մինչ Վարշավայում անցկացվող ՆԱՏՕ-ի գագաթաժողով մեկնելը: Այս մասին հայտնում է Hüriyyet-ը:
Նրա խոսքով՝ Թուրքիայի ԱԳՆ-ն զբաղվում է Ռուսաստանի հետ հարաբերությունների կարգավորմամբ:
«Կարծում եմ՝ Պուտինի հետ հանդիպումը պլանավորվում է այս ամսվա վերջին, օգոստոսի սկզբին: Իհարկե, հենց հանդիպման օրը կոնկրետանա, այդ մասին կհայտարարվի»,- հավելել է Թուրքիայի նախագահը:
