«Եվրոպայում անվտանգությունը հնարավոր է ապահովել միայն Ռուսաստանի հետ». Մերկել
ՆԱՏՕ-ն չի պատրաստվում հրաժարվել Ռուսաստանի հետ համագործակցությունից, չնայած դաշինքի՝ Բալթյան երկրներում ու Լեհաստանում իր ներկայությունն ուժեղացնելու պլաններին, հայտարարել է Գերմանիայի կանցլեր Անգելա Մերկելը:
Ինչպես հայտարարել է Մերկելը Բունդեսթագում, «երկխոսության համար մեկնված ձեռքը պահպանվում է»: Այս մասին հայտնում է RIA Novosti-ն:
«Մենք միասնական ենք այն կարծիքում, որ Եվրոպայում երկարատև անվտանգությունը հնարավոր է ապահովել միայն Ռուսաստանի հետ, այլ ոչ թե ի հեճուկ նրան: Ռուսաստանի հետ երկխոսության համար առանցքային տեղը Ռուսաստան-ՆԱՏՕ խորհուրդն է»,- ասել է Մերկելը:
