«Մեծ Բրիտանիայի տեղը ՆԱՏՕ-ում մնում է անփոփոխ». Ստոլտենբերգ
Եվրամիությունից Մեծ Բրիտանիայի դուրս գալը վերաբերում է բացառապես Լոնդոնի և Բրյուսելի հարաբերություններին և այդ պատճառով այն ոչ մի կերպ չի ազդի ՆԱՏՕ-ում Մեծ Բրիտանիայի դերի վրա, հայտարարել է դաշինքի գլխավոր քարտուղար Յենս Ստոլտենբերգը: Այս մասին տեղեկացնում է «Ինտերֆաքս-Ուկրաինան»:
«ՆԱՏՕ-ում Մեծ Բրիտանիայի տեղը մնում է անփոփոխ: Փոխվել են բացառապես Մեծ Բրիտանիայի հարաբերությունները Եվրամիության հետ»,- հայտարարել է նա Բրյուսելում՝ մամուլի ասուլիսի ժամանակ:
Ստոլտենբերգը վստահություն է հայտնել, որ Մեծ Բրիտանիայի կառավարությունը կշարունակի իրականացնել իր պարտականությունները դաշինքի առաջ:
