«Ռուսաստանի և Իսրայելի հետ հարաբերությունների ապագան հուսադրող է». Էրդողան
Թուրքիայի նախագահ Ռեջեփ Թայիփ Էրդողանը հույս է հայտնել, որ Ռուսաստանի և Իսրայելի հետ հարաբերությունները դրական զարգացում կունենան: Այս մասին նա հայտնել է մուսուլմանների համար սրբազան Ռամադան ամսվա ավարտին Թուրքերի քաղաքացիներին ուղղված գրավոր ուղերձում, տեղեկացնում է TASS-ը:
«Մենք զարգացնում ենք հարաբերությունները Իսրայելի և Ռուսաստանի հետ: Վերջին շաբաթներին արված դրական փոխադարձ քայլերը մեզ ապագայի հույս են տալիս»,- նշված է Էրդողանի գրասենյակի տարածած ուղերձում:
Նրա խոսքով՝ Թուրքիան հաղթահարում է ճգնաժամերը, որոնք առաջացել են Սիրիայի պատճառով, ահաբեկչության հետևանքով և արհեստական լարվածությամբ և նորից վերականգնում է հարաբերությունները այլ պետությունների հետ:
