Թուրքիան մարդասիրական օգնություն է ուղարկել Գազայի հատված
Թուրքական նավը, որը 11 հազար տոննա մարդասիրական օգնություն է տեղափոխել Գազայի հատվածի համար, այսօր առավոտյան ժամանել է Իսրայելի Աշդոդ քաղաքի նավահանգիստ:
Թուրք դիվանագետներն ու Իսրայելի փոխարտգործնախարարի մամուլի քարտուղար Օրեն Ռոզենբլատը ներկա են եղել նավահանգստում, երբ «Լեդի Լեյլա» նավը կայանել է նավահանգստում, հայտնում է Anadolu գործակալությունը:
Նավը Գազայի հատված է տեղափոխել 10 հազար խաղալիք և սննդամթերքի 10 հազար փաթեթ՝ Գազայի հատվածի երեխաների համար:
Հիշեցնենք, որ թուրքական օգնության մատակարարումը թույլատրվել է Անկարայի և Երուսաղեմի միջև հարաբերությունների կարգավորման համաձայնագրի շրջանակում:
