Հենրիխ Մխիթարյանի աշխատավարձը «Մանչեսթեր Յունայթեդում» կկազմի 12.5 մլն եվրո
Թեև Դորտմունդի «Բորուսիան» հայտարարել է, որ Հայաստանի ազգային հավաքականի կիսապաշտպան Հենրիխ Մխիթարյանը տեղափոխվելու է «Մանչեսթեր Յունայթեդ», այնուամենայնիվ, անգլիական ակումբը դեռ լռում է տեղափոխության մասին:
Հայաստանի հավաքականի կիսապաշտպան Հենրիխ Մխիթարյանը «Մանչեսթեր Յունայթեդից» 8 միլիոն եվրո հավելավճար կստանա Դորտմունդի «Բորուսիայից» անգլիական ակումբ տեղափոխվելու համար: «Մանչեսթեր Յունայթեդում» 27-ամյա ֆուտբոլիստի աշխատավարձը կազմելու է տարեկան 12.5 միլիոն եվրո: Այս մասին հայտնում է գերմանական Bild-ը:
Սպասվում է, որ անգլիական ակումբը Հենրիխ Մխիթարյանի հետ պայմանագրի մասին պաշտոնական հայտարարություն կանի այս շաբաթվա ընթացքում:
