Բելառուսում ձերբակալել են չեչենի ԻՊ ահաբեկչական խմբավորման համար գրոհայիններ պատրաստելու համար
Բելառուսի իրավապահ մարմինները ռուս գործընկերների հետ միասին Բրեստում ձերբակալել են չեչենի, ում կասկածում են «Իսլամական պետություն» ահաբեկչական խմբավորման հետ կապեր ունենալու մեջ:
Այս մասին տեղեկացնում է Interfax-ը: 22-ամյա չեչենը հավաքագրել է գրոհայիններին եւ փորձել է մեկնել Արեւմտյան Եվրոպա: Ըստ իրավապահ մարմիններ ի տեղեկությունների` հայրենիքում նա աշխատել է արգելված ահաբեկչական խմբավորման կազմում:
Ձերբակալվածը հայտնել է, որ գործել է համախոհների հետ միասին` փորձելով հասնել Լեհաստան: Երիտասարդին ուղարկելու են Ռուսաստան, որտեղ նրա դեմ արդեն իսկ հարուցվել է քրեական գործ ապօրինի զինված խմբավորում ձեւավորելու հիմքով:
