Ռոջեր Ֆեդերերը տարավ 150-րդ հաղթանակը խոտածածկի վրա
Ուիմբլդոնի յոթակի չեմպիոն Ռոջեր Ֆեդերերը 3-րդ շրջանում հաղթելով բրիտանացի Դենիել Էվանսին 6:4, 6:2, 6:2 հաշվով, տարավ 150-րդ հաղթանակը խոտածածկի վրա:
Այս ցուցանիշով Ֆեդերերը գրավում է 2-րդ տեղը բաց դարաշրջանում՝ զիջելով միայն Ջիմի Քոներսին (170 հաղթանակ):
Գործող թենիսիստներից Ֆեդերերի մոտակա մրցակիցն Էնդի Մարեյն է, ում հաշվին գրանցվել է 97 հաղթանակ խոտածածկի վրա:
Պատրաստեց Անի Գաբուզյանը
