Արայիկ Հարությունյանն ընդունել է ՀՀ ՏՄՊՊՀ նախագահ Արտակ Շաբոյանի գլխավորած պատվիրակությանը
Արցախի Հանրապետության վարչապետ Արայիկ Հարությունյանը հուլիսի 1-ին ընդունել է ՀՀ Տնտեսական մրցակցության պաշտպանության պետական հանձնաժողովի նախագահ Արտակ Շաբոյանի գլխավորած պատվիրակությանը:
Ողջունելով հյուրերին՝ Ա. Հարությունյանը կարևորել է արցախյան գործընկեր կառույցի հետ ՀՀ ՏՄՊՊՀ վերջին տարիներին ձևավորված արդյունավետ համագործակցությունը և նշել, որ հետագայում այդ հարաբերությունները զարգացնելու մեծ ներուժ է տեսնում:
Հանդիպման ընթացքում քննարկվել են հայկական երկու պետությունների տնտեսությունների զարգացման նոր հեռանկարների, մասնավորապես՝ արտադրական ծավալների և արտահանման շուկաների ընդլայնման համար համապատասխան պայմանների բարելավմանն առնչվող մի շարք հարցեր:
Հանդիպմանը մասնակցում էր նաև ԱՀ հանրային ծառայությունները և տնտեսական մրցակցությունը կարգավորող պետական հանձնաժողովի նախագահ Հակոբ Ղահրամանյանը:
