«Գերմանիան ձգտում է կարգավորել ԼՂ հակամարտությունը». Շտայնմայեր
Գերմանիան, որպես ԵԱՀԿ-ն նախագահող երկիր, «ձգտում է կարգավորել Լեռնային Ղարաբաղի հակամարտությունը»: Այս մասին Թբիլիսիում լրագրողների հետ զրույցում հայտարարել է Գերմանիայի արտաքին գործերի նախարար Ֆրանկ Վալտեր Շտայնմայերը:
«Անհրաժեշտ է ջանքեր գործադրել այդ տարածաշրջանում խաղաղության պահպանման ու ամրապնդման եւ այդ հակամարտության լիամասշտաբ կարգավորման համար»,- ասել է նա:
Շտայնմայերը Թբիլիսիում է ԵԱՀԿ-ի Խորհրդարանական վեհաժողովի՝ հուլիսի 1-ին բացվող տարեկան նստաշրջանին մասնակցելու համար:
