ԿԲ-ն նույնպես Հայաստանը բնութագրում է որպես նվազ պարտքի բեռ ունեցող երկիր
Համաձայն ՀՀ ֆինանսների նախարարության տվյալների` ՀՀ պետական արտաքին պարտքը 2015 թ. ավելացել է 14.1%-ով և կազմել ՀՆԱ 40.9%-ը:
Ինչպես նշվում է ՀՀ ԿԲ 2015 թվականի ֆինանսական կայունության հաշվետվության մեջ, արտաքին պետական պարտքի աճը մասամբ արդյունք է 2015 թ. մարտին իրականացված եվրոպարտատոմսերի երկրորդ տրանշի տեղաբաշխման` 500 մլն ԱՄՆ դոլար ծավալով: Տարեվերջին միջազգային կազմակերպություններից ներգրավված միջոցները ևս իրենց ազդեցությունն են ունեցել արտաքին պարտքի աճի վրա:
Պարտքի արդյունավետ կառավարման տեսանկյունից կարևորվում է ՀՀ արտաքին պետական վարկերի կառուցվածքում լողացող տոկոսադրույքներով վարկերի ցածր կշռի պահպանումը, քանի որ վերջինս նվազեցնում է տոկոսադրույքի հետ կապված ռիսկը:
2015 թ. ՀՀ արտաքին պարտքը բնութագրող որակական ցուցանիշների համաձայն՝ Հայաստանը շարունակում է բնութագրվել որպես նվազ պարտքի բեռ ունեցող երկիր:
