Վայրկյանում 290 դոլար. 10 հետաքրքիր փաստ Բիլ Գեյթսի մասին
Microsoft-ի հիմնադիր Բիլ Գեյթսը ոչ միայն աշխարհի ամենահարուստ մարդն է՝ ավելի քան 75 մլրդ դոլար կարողությամբ, այլ թերևս ամենաքննարկվածը։
Այդուհանդերձ, նրա մասին այս փաստերը կարծում ենք կհետաքրքրեն ձեզ։
- Աշխարհի բնակչության 85%-ը վաստակում է ամսական 200 դոլարից պակաս։ Բիլ Գեյթսը վաստակում է 290 դոլար՝ 1 վայրկյանում։
- Գեյթսը ամենադժվար առաջադրանքները հանձնարարում է ամենածույլ մարդկանց՝ համոզված լինելով, որ նրանք կգտնեն այդ հանձնարարությունները կատարելու ամենահեշտ եղանակը։ Բիլ Գեյթսը նախընտրում է ոչ թե տքնաջան, այլ մտածված աշխատանքը։
- Ինքնահավան, գոռոզ, կամակոր, անողոք։ Հիմնականում այսպես են արտահայտվում նախկին գործընկերները նրա մասին։ Նա կարող է լինել չափազանց ժլատ, բայց և չափազանց առատաձեռն։
- Բիլ Գեյթսի IQ-ն 160 է։ Մտավոր ունակությունների նույնպիսի մակարդակ է ունեցել նաև Ալբերտ Էյնշտեյնը։
- Microsoft-ի հիմնադրի տան դիզայնը արվել է նրա հիմնական մրցակցի՝ Macintosh համակարգչի միջոցով։
- Նա խոստացել էր դպրոցի ուսուցիչներին, որ 30 տարեկանում միլիոնատեր կդառնա։ Գեյթսը կատարեց և գերակատարեց խոստումը. 31 տարեկանում նա արդեն միլիարդատեր էր։ Microsoft ընկերությունը նա հիմնադրել է 20 տարեկան հասակում։
- Օրական 1 միլիոն դոլար ծախսելու դեպքում Գեյթսի կարողությունը կբավականացներ 207 տարի։
- Ավագ դպրոցում սովորելու ժամանակ Գեյթսը փոխել է դասարանների և դասացուցակի կազմման ծրագիրը։ Արդյունքում՝ հայտնվել է մի դասարանում, որտեղ աղջիկները շատ են եղել։
- Ավելի քան 75 մլրդ դոլար կարողության տեր այս մարդը իր երեխաներին կտակել է 10-ական մլն դոլար։ Որպեսզի նրանք ինքնուրույն փող աշխատեն։
- Բիլ Գեյթսը դիպլոմ չունի։ Ինչպես շատ միլիարդատերեր՝ նա ապացուցել է, որ դա հաջողության հասնելու միակ անհրաժեշտ պայմանը չէ։
