ՀՀ պարենամթերքի առևտրի հաշվեկշիռը բացասական է՝ -11.1 մլն դոլար
2016 թվականի առաջին եռամսյակում Հայաստանից ապրանքների արտահանումը (FOB գներով) կազմել է 375.9 մլն դոլար։ Այդ թվում՝ պարենամթերքի արտահանման ծավալը եղել է 101.4 մլն դոլար։ Այս մասին տեղեկանում ենք ՀՀ Ազգային վիճակագրական ծառայության զեկույցից։
Նույն ժամանակահատվածում ներմուծման ծավալը (CIF գներով) կազմել է 621.2 մլն դոլար, այդ թվում պարենամթերքի ներմուծումը՝ 112.5 մլն դոլար։
Այսպիսով, պարենամթերքի արտաքին առևտրի հաշվեկշիռը 2016-ի առաջին եռամսյակում եղել է բացասական՝ -11.1 մլն ԱՄՆ դոլարի չափով։
