Ֆրանսիայում իմացել են ԴԱԻՇ-ի՝ երկրում նոր ահաբեկչություններ իրականացնելու պլանների մասին
ԴԱԻՇ-ը պլանավորում է Ֆրանսիայում մի շարք նոր հարձակումներ կազմակերպել, հայտնում է Reuters-ը՝ հղում կատարելով Ֆրանսիայի ներքին հետախուզության ներկայացուցիչ Պատրիկ Կալվարին:
«Ակնհայտ է, որ Ֆրանսիան վտանգված է, ու մենք գիտենք, որ ԴԱԻՇ-ը նոր հարձակումներ է պլանավորում»,- հայտարարել է Կալվարը:
Նման հայտարարությամբ վերջինս հանդես է եկել Ֆուտբոլի Եվրոպայի առաջնության նախօրեին, որն այս տարի անցկացվելու է Ֆրանսիայում:
Իր հերթին, Ֆրանսիայի խորհրդարանը երկրում 2015թ. նոյեմբերի 13-ից սահմանված արտակարգ ռեժիմը երկարաձգել է մինչև այս տարվա հուլիսի 26-ը, հայտնում է BFMTV-ն:
Նշվում է, որ դա արվել է մարզական միջոցառումների ընթացքում անվտանգության բարձր մակարդակ ապահովելու նպատակով:
