Բարելավեք իմունային համակարգն ու մարսողությունը

Քրոնիկ հոգնածությունը, գլխացավերն ու մարսողական խնդիրները դարձել են ժամանակակից կյանքի անբաժանելի մասը: Գործնական առօրյայում հաճախ մոռանում ենք մեր առողջության մասին: Եթե չեք հասցնում կարգավորել ձեր սննդակարգը, ապա խորհուրդ ենք տալիս մի հրաշալի բաղադրատոմս, որը կօգնի ամրացնել առողջությունը:

Այս բաղադրատոմսի բաղադրության մեջ մտնում են մի շարք օգտակար մթերքներ, որոնք կարող եք գտնել ձեր խոհանոցում: Բացի այդ, բաղադրատոմսը չափազանց հեշտ է և քիչ ժամանակ է պահանջում:

Բաղադրություն

• 3 ճյուղ խնկունի (розмарин)
• 3 կիտրոն
• 250 գ մեղր
• 1 լ ջուր

Կիտրոնը լավ լվացեք, կտրատեք և ավելացրեք 1 լ ջրին: Ապա ավելացրեք խնկունու ճյուղերը, ամբողջ խառնուրդը եռացրեք: Եփեք այնքան ժամանակ, մինչև ջրի կեսը գոլորշիանա, ապա քամեք խառնուրդը: Երբ լուծույթը սառչի, ավելացրեք մեղրն ու լավ խառնեք: Ամբողջը լցրեք ապակե տարայի մեջ:

Կանոնավոր կերպով խմեք այս հյութը:

Դեռ հին ժամանակներից խնկունին օգտագործվել է բուժական նպատակներով: Այն օգտագործվել է ստամոքսի, աղիների ցավերի, անքնության դեմ: Հին հռոմեացիներն ու եգիպտացիները հավատում էին, որ այս բույսը սուրբ բույս է և ունի ցավազրկող, հականեխիչ, հակաբորբոքային, հակավիրուսային ազդեցություն:

Նյութը հրապարակման պատրաստեց Լիլիթ Հարությունյանը