Թուրքիան ԵՄ անդամ չի լինելու. Քեմերոն
Մեծ Բրիտանիայի վարչապետ Դեվիդ Քեմերոնը հայտարարել է, որ Թուրքիայի՝ Եվրամիությանն անդամակցությունն առաջիկա տասը տարում քիչ հավանական է:
ԶԼՄ-ների հաղորդմամբ, մինչ այդ հայտարարությունը Քեմերոնը ոչ լավատեսական վերաբերմունք էր արտահայտել ԵՄ երկրներ Թուրքիայի քաղաքացիների առանց վիզաների այցելության մասին:
Նա հայտարարել է, որ եթե անգամ Բրյուսելը համաձայնի դրան, ապա Լոնդոնը չի աջակցելու այդ քայլին: Քեմերոնը նշել է, որ Մեծ Բրիտանիան իր տարածք առանց վիզայի այցելության հնարավորություն Թուրքիային չի առաջարկելու:
Մայիսի 4-ին Եվրահանձնաժողովը ԵՄ անդամ երկրների տարածք կարճաժամկետ այցելությունների համար Թուրքիայի քաղաքացիներին առանց վիզայի ռեժիմ է առաջարկել:
