«Եզրափակիչ դուրս գալը նվաճում է, բայց ոչ՝ տիտղոս». Զինեդին Զիդան
«Ռեալի» գլխավոր մարզիչ Զինեդին Զիդանն ամփոփել է Չեմպիոնների լիգայի կիսաեզրափակչում «Մանչեսթեր Սիթիի» դեմ անցկացրած պատասխան խաղի արդյունքները (1:0):
«Շատ ծանր էր, մենք դա հասկանում էինք, բայց ի վերջո առաջ անցանք: Գոհ եմ նրանից, թե ինչպես տրվեցին խաղին ֆուտբոլիստները, նրանք արժանի էին դրան:
Կրիշտիանու Ռոնալդուն այսօր գործում էր՝ ինչպես և սովորաբար: Ես գոհ եմ ամբողջ թիմից պաշտպանությունում:
Եզրափակչում ֆավորիտ չի լինի: Հիմա պետք է ուրախանալ: Սա նվաճում է, բայց դեռ տիտղոս չէ»,- ասել է Զիդանը:
Պատրաստեց Անի Գաբուզյանը
