Լևոն Արոնյանն ավարտեց մրցաշարը
Ստավանգերում անցկացվող Norway Chess շախմատային մրցաշարի վերջին տուրում Լևոն Արոնյանը սևերով ուժերը չափեց հնդիկ Պենտալա Հարիկրիշնայի հետ և 39-րդ քայլում համաձայնեց ոչ ոքիի: Այս պարտիան ավարտվեց առաջինը, իսկ մյուս պարտիաները շարունակվում են:
Լևոն Արոնյանը 5.5 միավորով զբաղեցնում է առաջին հորիզոնականը: Աշխարհի չեմպիոն Մագնուս Կարլսենը ուկրաինացի Պավել Էլյանովին հաղթելու դեպքում միանձնյա կգրավի առաջին տեղը:
Հավասար միավորների դեպքում, հաղթողը կորոշվի կայծակնային և արագ խաղի թայ-բրեյքում վերջին տուրից հետո, ապրիլի 29-ին: Եթե երկուսից ավելի շախմատիստներ ունենան հավասար միավորներ, թայ-բրեյքը կանցկացվի ապրիլի 30-ին:
