Էրդողանն աշխատանքային այցով ժամանել է Ադրբեջան. կայացել է Ալիև-Էրդողան հանդիպումը
Թուրքիայի նախագահ Ռեջեփ Թայիփ Էրդողանը կնոջ՝ Ամինա Էրդողանի հետ այսօր ժամանել է Ադրբեջան: Ադրբեջանի նախագահ Իլհամ Ալիևն ընդունել է աշխատանքային այցով Բաքու ժամանած Էրդողանին:
Trend գործակալության հաղորդմամբ՝ հանդիպմանը կողմերը գոհունակություն են արտահայտել ռազմավարական գործընկերության վրա հիմնված եղբայրական հարաբերությունների առնչությամբ: Կողմերը կարևորել են Բաքվում անցկացվելիք ՄԱԿ-ի քաղաքակրթությունների դաշինքի 7-րդ Գլոբալ ֆորումի անցկացումը:
Հանդիպմանը քննարկվել են նաև փոխադարձ հետաքրքրություն ներկայացնող, երկկողմ հարաբերություններին առնչվող հարցեր: 
