Մեկնարկեց ծանրամարտի Հայաստանի երիտասարդական առաջնությունը
Երևանի օլիմպիական հերթափոխի պետական մարզական քոլեջում մեկնարկեց ծանրամարտի Հայաստանի 2016 թվականի երիտասարդների առաջնությունը:
Տղաների պայքարի առաջին օրը մեդալների համար պայքարեցին 56 կգ և 62 կգ քաշային մարզիկները: Թեթև քաշային կարգում՝ 56 կգ, Հայաստանի չեմպիոն դարձավ Համլետ Մնացականյանը (երկամարտ՝ 195 կգ), երկրորդ տեղում Խաչիկ Հարությունյանն է (երկամարտ՝ 193 կգ) և երրորդ տեղում Գոռ Հակոբյանն է ( երկամարտ՝ 186 կգ):
62 կգ քաշային կարգում երկամարտի 254 կգ արդյունքով լավագույնը Դավիթ Գասպարյանն է: Երկրորդ և երրորդ տեղերը համապատասխանաբար զբաղեցրեցին Արմեն Գրիգորյանը ( երկամարտ՝ 251 կգ) և Մարզպետ Մինասյանը (երկամարտ՝ 245 կգ):
Նախօրեին կայացել էր աղջիկների երիտասարդական առաջնությունը, որտեղ Հայաստանի չեմպիոններ էին դարձել Մարիամ Սիմոյանը (48 կգ), Վալենտինա Մովսիսյանը (53 կգ), Արփինե Տերմենյանը (58 կգ), Ծովիներ Կիրակոսյանը (63 կգ), Անի Վարդանյանը (69 կգ), Սոնա Պողոսյանը (75 կգ) և Արփինե Դալալյանը (+75 կգ):
Ապրիլի 26-ին պայքարի մեջ կմտնեն արդեն 69 կգ, 77 կգ և 85 կգ քաշային ծանրորդները:
