Երևան-Գյումրի ավտոճանապարհին ավտոմեքենան դուրս է եկել ճանապարհի երթևեկելի հատվածից, կողաշրջվել և ամբողջությամբ այրվել. կան տուժածներ
Ապրիլի 24-ին, ժամը 16.34-ին ահազանգ է ստացվել, որ Երևան-Գյումրի ավտոճանապարհի 60-րդ կմ-ում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Դեռևս չբացահայտված հանգամանքներում «Մերսեդես» մակնիշի 07 UT 661 պետհամարանիշով ավտոմեքենան (վարորդ Մ. Ա.) դուրս է եկել ճանապարհի երթևեկելի հատվածից, կողաշրջվել և այրվել:
Ավտոմեքենայի վարորդ Մ.Ա.-ն (թիկունքի և դեմքի շրջանում 1-ին կարգի այրվածքներով) և ուղևոր Ս. Ա.-ն (ծնվ. 2003 թ., քերծվածքներով) տեղափոխվել են Թալին քաղաքի ԲԿ. որտեղ բժիշկներ տուժածների առողջական վիճակը գնահատել են բավարար:
Հրդեհը մեկուսացվել է ժամը 16.51, մարվել՝ 17.06-ին:
Ավտոմեքենան ամբողջությամբ այրվել է:
