Կեյլոր Նավասը «Ռեալի» ամենահուսալի դարպասապահն է
Դավիդ Դե Խեայի տրանսֆերի ձախողումը բացահայտել է կոստառիկացու լավագույն հատկանիշները:
Նավասը «Ռեալ» է տեղափոխվել 2014թ. Աշխարհի առաջնությունից հետո, բայց մինչև Իկեր Կասիլյասի «Պորտու» տեղափոխվելը արժանի հնարավորություն չէր ստանում` իրեն դրսևորելու համար:
Ընթացիկ մրցաշրջանի սկզբից Կեյլոր Նավասը դարձել է թիմի հիմնական դարպասապահը և այժմ 29-ամյա ֆուտբոլիստը վերջին 20 տարվա «Ռեալի» բոլոր դարպասապահների մեջ ունի լավագույն արդյունքները` խաղերի և բաց թողած գնդակների հարաբերակցությամբ:
Դավիդ Դե Խեայի տեղափոխությունը «Մանչեսթեր Յունայթեդից» «Ռեալ Մադրիդ» ձախողվել է 2015թ. ամառային տրանսֆերային պատուհանի վերջին օրը: 
Պատրաստեց Անի Գաբուզյանը
