«Ռոման» ցանկանում է վաճառել Ջեկոյին և ձեռք բերել Ֆալկաոյին
«Ռոմայի» հարձակվող Էդեն Ջեկոն, ամենայն հավանականությամբ, ամռանը կլքի ակումբը: Հաղորդվում է, որ 30-ամյա բոսնիացի հարձակվողը, ով չի արդարացրել հռոմեացիների սպասելիքները, կարող է գնալ Չինաստան:
Ջեկոյին փոխարինողի դերում «Ռոման» դիտարկում է «Մոնակոյի» հարձակվող Ռադամել Ֆալկաոյին, հաղորդում է Football Italia-ն` հղում կատարելով Corriere dello Sport-ին:
Գործարքի իրականցմանը կարող են խանգարել երկու հանգամանքներ. կոլումբիացու բարձր աշխատավարձը և Եվրոպական միության քաղաքացու անձնագրի բացակայությունը:
Հիշեցնենք, որ Ֆալկաոն արդեն 2 տարի վարձակալական հիմունքներով հանդես է գալիս Անգլիայի Պրեմիեր լիգայում: Նախ նա խաղացել է «Մանչեսթեր Յունայթեդում», իսկ ընթացիկ մրցաշրջանում Ռադամելը հանդես է գալիս «Չելսիի» կազմում:
Պատրաստեց Անի Գաբուզյանը
