Կարլո Անչելոտին հետաքրքրված է Ալեքսիս Սանչեսի ծառայություններով
«Բավարիայի» ապագա գլխավոր մարզիչ Կարլո Անչելոտին ցանկանում է իր թիմում տեսնել «Արսենալի» կիսապաշտպան Ալեքսիս Սանչեսին:
Իտալացի մասնագետը, ի դեմս «Արսենալի» չիլիացի կիսապաշտպանի, տեսնում է Ռոբեն-Ռիբեյրի զույգից որևէ մեկի փոխարինողին, որոնք բավականին հաճախ վնասվածքներ են ստանում:
Chile AS-ը հաղորդում է այն մասին, որ մյունխենցիները պատրաստ են 27-ամյա չիլիացի կիսապաշտպանի համար վճարել 40 մլն եվրո:
Ալեքսիս Սանչեսը 2014 թվականից հանդես է գալիս «Արսենալի» կազմում: Ակումբը ֆուտբոլիստին ձեռք է բերել «Բարսելոնայից», 30 մլն եվրոյով:
Ընթացիկ մրցաշրջանում չիլիացին անցկացրել է 35 հանդիպում, խփել է 13 գնդակ և կատարել է 10 գոլային փոխանցում:
Պատրաստեց Անի Գաբուզյանը
