««Բարսելոնան» հույս ուներ հաղթել` ավելի հաճախ միացնելով սիրտը, քան գլուխը». Լուիս Էնրիկե

«Բարսելոնայի» գլխավոր մարզիչ Լուիս Էնրիկեն կիսվել է Իսպանիայի առաջնության 32-րդ տուրում «Ռեալ Սոսիեդադի» հետ անցկացրած արտագնա խաղից ստացած տպավորություններով (0:1):

«Բարսելոնան» Էնրիկեի օրոք առաջին անգամ չի կարողանում հաղթել 3 խաղերում անընդմեջ:

«Խաղը սկսվեց վատագույն ձևով: Առաջին խաղակեսում մենք շատ վատ էինք խաղում. հույս ունեինք հաղթել` ավելի հաճախ միացնելով սիրտը, քան գլուխը: Պետք էր ավելի լավ վերահսկել խաղի ընթացքը: Կարծում եմ, մենք արժանի չէինք պարտության: Բայց մենք դեռ առաջատարն ենք առաջնությունում և շանսեր ունենք ապացուցելու, որ հանդիսանում ենք աշխարհի լավագույն թիմը»,- Էնրիկեի խոսքերն է մեջբերում AS-ը:

Պատրաստեց Անի Գաբուզյանը