Բրյուսելյան ահաբեկչությունների զոհերի թիվը հասել է 35-ի. Բելգիայի առողջապահության նախարար
Բրյուսելի ահաբեկչությունների զոհերի թիվը ավելացել է՝ հասնելով 35-ի, այսօր հայտնել է Բելգիայի առողջապահության նախարար Մագի դե Բլոկը: Վերջինս այս մասին գրառում է կատարել Twitter-ում: Ըստ գրառման՝ 4 տուժածները, որոնք գտնվում էին հիվանդանոցներում, չնայած բժիշկների ջանքերին, մահացել են:
Բելգիական լրատվամիջոցները նշում են, որ 3 մահապարտ ահաբեկիչները այդ 35 թվի մեջ չեն ներառվում: Տեղեկությունների զոհերի ազգությունների մասին ու այն մասին, թե որտեղ են վերջիններս ստացել կյանքի հետ անհամատեղելի վնասվածքներ, դեռ չկան:
Հիշեցնենք, որ մարտի 22-ին Բրյուսելի օդանավակայանում 2 պայթյուն էր որոտացել, ևս 1-ը տեղի էր ունեցել մետրոյի «Մալբեկ» կայարանում:
