Իռլանդացիները կոստյում են ստեղծել ծածկոցից
Jurys Inn հյուրանոցների իռլանդական ցանցը ծածկոցից կոստյում է ստեղծել: Այդ մասին ասված է ընկերության ֆեյսբուքյան էջում: Հագուստը մշակողները, որոնց թվում է դիզայներ Վենդի Բենսթեդը, պնդում են, որ այն հարմար կլինի նրանց, ովքեր սիրում են քնել:
Կոստյումը կարվել է բամբակի սպիտակ խիտ գործվածքից: Վրադիր գրպաններով կուրտկան դարձակարված եւ ամրացված է գոտիով, իսկ օձիքը կարող է ծալվել՝ ընդունելով բարձիկի ձեւ: Շալվարը չի սահմանափակում շարժումները եւ ստորին մասում նեղացված է:
Ընկերությունում նշում են, որ եթե նախատիպը հետաքրքրի պոտենցիալ գնորդներին, ապա կոստյումը վաճառքի կհանեն սահմանափակ քանակով:
