«Ռ-Էվոլյուցիա» հաղորդաշարի հյուրը Ալեքսանդր Արզումանյանն է
Հայաստանն արդեն թևակոխել է 2017 թվականի խորհրդարանի ընտրությունների նախընտրական փուլ: Չնայած ընտրություններին դեռևս մեկ տարի կա, այդուհանդերձ, քաղաքական ուժերի գործողությունները մեծ մասամբ տեղավորվում են նախընտրական տրամաբանության շրջանակներում, ինչը, իհարկե, բնական կարելի է համարել: Մյուս կողմից՝ գոնե առայժմ ավելի տեսանելի են իշխանական դաշտում ընթացող գործընթացները: Իշխանությունը նախ՝ անցկացրեց սահմանադրական հանրաքվեն, կոալիցիա կազմեց Դաշնակցության հետ, հիմա էլ ներկայացրել է նոր Ընտրական օրենսգրքի նախագիծը: Բոլոր այս և բազմաթիվ այլ քայլեր իշխանությունն անում է առաջին հերթին կամ առավելապես 2017 թվականի ընտրություններում իր դիրքերն ամրացնելու համար:
Ընդդիմության դաշտում, մինչդեռ, գործընթացները, մեղմ ասած, այնքան էլ ինտենսիվ չեն, և դժվար է ասել՝ ինչպես, ինչ ձևաչափերով, ինչպիսի ռազմավարությամբ ու մարտավարությամբ է ընդդիմությունը մասնակցելու ընտրություններին: Ներքին ու արտաքին քաղաքական հարցերի վերաբերյալ է Սաթիկ Սեյրանյանի զրույցը ԱԺ պատգամավոր, Հայոց Համազգային շարժում կուսակցության խորհրդի նախագահ, նախկին արտգործնախարար Ալեքսանդր Արզումանյանի հետ:
