Կուրսանտի սպանության գործով միջնորդության քննարկումը հետաձգվեց
Երևանի Ավան և Նոր Նորք վարչական շրջանների ընդհանուր իրավասության դատարանն այսօր հետաձգեց ՀՀ ՊՆ Վազգեն Սարգսյանի անվան ռազմական ինստիտուտի կուրսանտ Հայկազ Բարսեղյանի գործով ամբաստանյալներից մեկի միջնորդության քննարկումը:
Ամբաստանյալ Վաչե Սահակյանի պաշտպան Արմեն Նադիրյանը միջնորդել էր դատահոգեբանական փորձաքննության եզրակացությունը որպես անթույլատրելի ապացույց ճանաչել: Դատավոր Դավիթ Հարությունյանը միջնորդության քննարկումը հետաձգեց մինչև էական հանգամանքների պարզումը:
Իր միջնորդությունը ներկայացնելիս փաստաբանը նշել է, որ փորձագետները դուրս են եկել իրենց իրավասության շրջանակներից և պատասխանել են դատահոգեբույժ փորձագետի պարզաբանմանը ենթակա հարցի:
