«Հատկապես Ազգային ժողովում արտահայտվելուց պետք է բոլորը զգուշանան». Սուքիաս Ավետիսյանը՝ ԱԺ-ում պատգամավորների հայհոյախառն լեզվակռվի մասին
«Եթե կա փաստ, ու այդ փաստը հիմնավորվում է, Հանձնաժողովը համարում է դա էթիկայի խախտում, այլ լիազորություն հանձնաժողովին վերապահված չէ»,- այսօր Ազգային ժողովում խոսելով երեկ նիստերի դահլիճում տեղի ունեցած լեզվակռվի մասին՝ այս մասին ասաց Էթիկայի հանձնաժողովի անդամ, ՀՀԿ-ական պատգամավոր Սուքիաս Ավետիսյանը:
Հիշեցնենք, որ երեկ հայհոյախառն բուռն լեզվակռիվ տեղի ունեցավ պատգամավոր Նիկոլ Փաշինյանի և ՀՀԿ-ական պատգամավորներ Առաքել Մովսիսյանի ու Կարեն Ավագյանի միջև:
«Համենայն դեպս, ցանկացած մարդ ինքն է որոշում՝ ինչ բառ օգտագործի: Կարծում եմ, որ հասարակական վայրերում, հատկապես՝ Ազգային ժողովում, արտահայտվելուց պետք է բոլորը զգուշանան»,- նշեց Ս. Ավետիսյանը:
