Էներգետիկ համակարգը գնում է դեպի կանաչ տեխնոլոգիաներ
Այսօր Ազգային ժողովը միաձայն ընդունեց կառավարության ներկայացրած «Էներգախնայողության և վերականգնվող էներգետիկայի մասին» ՀՀ օրենքում լրացումներ և փոփոխություններ կատարելու մասին օրինագիծը: Կողմ քվեարկեց 111 պատգամավոր:
Հիշեցնենք, որ օրենքում փոփոխություններն անհրաժեշտ են էներգետիկայի բնագավառում ստեղծված անհրաժեշտություններին և փաստացի իրավիճակին համապատասխանեցնելու համար: Կանխատեսվում է, որ օրենքի ընդունմամբ միջնաժամկետ հեռանկարում էներգետիկ համակարգում կստեղծվեն նորագույն և մաքուր, կանաչ տեխնոլոգիաների կիրառմամբ արտադրական մի շարք նոր հզորություններ, այդ թվում՝ արևային էներգիայի կիրառմամբ, որոնք զգալիորեն կթեթևացնեն էներգետիկ համակարգում գործող արտադրական հզորությունների բեռը` նվազեցնելով կախվածությունը ներկրվող ածխաջրածնային վառելիքներից, այդպիսով կդիվերսիֆիկացվի ՀՀ տնտեսությունը` էներգակիրների մատակարարման այլընտրանքային ուղիների ապահովման և նորագույն տեխնոլոգիաների կիրառման տեսակետից, և կբարձրանա էներգետիկ անկախության աստիճանը:
