Լուի Վան Գալի հեռացման դեպքում «ՊՍԺ»-ի մարզիչ Լորան Բլանը կգլխավորի «Մանչեսթեր Յունայթեդը»
Մանչեսթերում հնարավոր աշխատանքի համար Մոուրինիոն մրցակից ունի:
«ՊՍԺ»-ի գլխավոր մարզիչը կարող է գլխավորել «Մանչեսթեր Յունայթեդը», եթե Լուի Վան Գալը հեռացվի իր պաշտոնից: Այդ մասին հաղորդում է Daily Star-ը:
Ըստ պարբերականի տվյալների, եթե հոլանդացին հեռանա ամռանը, ապա «Մանչեսթեր Յունայթեդը» կքննարկի նաև «Չելսիի» նախկին գլխավոր մարզիչ Ժոզե Մոուրինիոյի և Լուի Վան Գալի օգնական Ռայան Գիգզի թեկնածությունները:
Ըստ ԶԼՄ-ների տեղեկությունների, «Մանչեսթեր Յունայթեդը» հետաքրքրություն է ցուցաբերում փարիզեցիների հարձակվող Զլատան Իբրահիմովիչի նկատմամբ, ում պայմանագրի ժամկետը լրանում է ամռանը:
Լորան Բլանը ընթացիկ մրցաշրջանում «ՊՍԺ»-ին դուրս է բերել Չեմպիոնների լիգայի քառորդ եզրափակիչ, ինչպես նաև արդեն նվաճել է Ֆրանսիայի չեմպիոնի տիտղոսը:
Պատրաստեց Անի Գաբուզյանը
