Փուչիկով խաղացող արջերը հուզել են Ցանցի օգտատերերին
Նիդեռլանդների Beekse Bergen սաֆարի-պարկ այցելած կանանցից մեկը տեսագրել է հիմալայյան արջերի խաղը վարդագույն փուչիկով: Հավիերա Սիմոնս անունով կինը հոլովակ է հրապարակել Facebook-ի էջում:
Տեսագրության մեջ երեւում է, որ գազանները հետաքրքրված են իրենց համար անհասկանալի առարկայով եւ փորձում են հասկանալ, թե ինչպես վարվել դրա հետ: Հավիերայի տեսագրությունը հայտնվել է բազմաթիվ անգլալեզու ԶԼՄ-ներում, իսկ Facebook-ի օգտատերերն այն դիտել են տասնյակ հազարավոր անգամ:
