Սերժ Սարգսյանը հաղթել է ՖԻԴԵ-ի նախագահին
Մոսկվայում ՀՀ նախագահ Սերժ Սարգսյանն ու ՖԻԴԵ-ի նախագահ Կիրսան Իլյումժինովը շախմատի կայծակնային խաղի չնախատեսված պարտիա են անցկացրել: Խաղն ավարտվել է Սերժ Սարգսյանի հաղթանակով: Այս մասին ֆեյսբուքյան իր էջում տեղեկացրել է ՀՀ նախագահի մամուլի խոսնակի օգնական Նարեկ Նիկողոսյանը:
ՀՀ նախագահ, Հայաստանի շախմատի ֆեդերացիայի նախագահ Սերժ Սարգսյանը Մոսկվայում ներկա է գտնվել Շախմատի աշխարհի չեմպիոնի հավակնորդների մրցաշարի բացման հանդիսավոր արարողությանը: Մրցաշարին աշխարհահռչակ 8 մասնակիցների հետ մասնակցում է նաև հայկական շախմատի առաջատար Լևոն Արոնյանը: Բացման արարողությանը Իլյումժինովը երախտագիտություն է հայտնել ՀՀ Նախագահին. «Ցանկանում եմ երախտագիտություն հայտնել Սերժ Սարգսյանին, քանի որ Հայաստանն աշխարհում առաջինն է, որտեղ շախմատի դասավանդումը դպրոցում պարտադիր է: Ցանկանում եմ շնորհակալություն հայտնե լ նաև Ռուսաստանի շախմատի ֆեդերացիայի նախագահ Անդրեյ Ֆիլատովին»:
«Այս տոնը չէր կայանա առանց Հայաստանի նախագահի, ով Մոսկվային է նվիրել հավակնորդների այս միցաշարը»,-ասել է ՌՇՖ նախագահ Ֆիլատովը:
