Ջրհեղեղը ողողել է ԱՄՆ Լուիզիանա նահանգը
Անձրևները, որոնք ԱՄՆ Լուիզիանա նահանգում հարուցել են ջրհեղեղ, ստիպել են ավելի քան 1300 մարդու հեռանալ իրենց տներից, հայտնում է TASS-ը:
Արտակարգ դրություն է հայտարարվել նահանգի 16 շրջանում: Բնակիչներին աջակցություն է տրամադրում ԱՄՆ Ազգային գվարդիան:
Առավել ծանր է վիճակը Բոսյեր շրջանում ու Լուիզիանայի նույնանուն քաղաքում: Այնտեղ պարտադրված տարհանման են ենթակա մոտ 3500 տների բնակիչներ:
Մարդկանց տեղավորում են ժամանակավոր տեղակայման վայրերում, նրանց ապահովելու են սնունդով, խմելու ջրով ու տաք ծածկոցներով:
Տեղումները աստիճանաբար տեղափոխվում են հարևան Արկանզաս ու Թեննեսի նահանգներ: Ներկայում փակ է երթևեկությունը որոշ ավտոմայրուղիներում:
