Կատուն ընկերացել է նորածնի հետ մինչև փոքրիկի լույս աշխարհ գալը
Պանդա անունով կատվի նկարները, որը քնքշություն է ցուցաբերում դեռևս լույս աշխարհ չեկած փոքրիկի նկատմամբ, գրավել են համացանցի հազարավոր օգտատերերի սիրտը, հայտնում է Mashable-ը:
Թեև մարդիկ սովորաբար իրենց տնային կենդանիներից խանդ են ակնկալում իրենց ապագա փոքրիկների նկատմամբ, հանդիպում են նաև անսովոր հավատարմության դեպքեր:
Լիել Ասսայագը դեռևս հղիության ժամանակ էր լուսանկարներ տեղադրում իր որովայնը գրկած կատվի մասնակցությամբ: Որդու՝ Շոնի ծնունդից հետո կենդանին շարունակում է նույն ընկերասիրությունը ցուցաբերել տղայի նկատմամբ:
Ինչպես պատմել է տիրուհին, իր բոլոր կատուներն էլ սիրով են ընդունել ընտանիքի նոր անդամին, սակայն Պանդայի ու Շոնի կապն ավելի հուզիչ է:
