Շրջայց բժշկական կենտրոնում
Ռուսաստանի Դաշնության առողջապահության նախարար Վերոնիկա Սկվորցովան և Վրաստանի աշխատանքի, առողջապահության և սոցիալական հարցերի նախարար Դավիդ Սերգեենկոն ՀՀ առողջապահության նախարար Արմեն Մուրադյանի ուղեկցությամբ շրջեցին «Իզմիրլյան» բժշկական կենտրոնում, ուր ընթանում էին «Հանրային առողջապահության մարտահրավերները» համաժողովի երկրորդ օրվա աշխատանքները:
Նախարարները ծանոթացան բժշկական կենտրոնում իրականացվող ծառայություններին, նյութատեխնիկական հագեցվածությանը: Հյուրերը եղան վիրահատարաններում, վերակենդանացման և այլ բաժանմունքներում:
Համաժողովի մասնակիցները տպավորված էին բժշկական հաստատությունում մատուցվող ծառայություններով և սարքավորումների հնարավորություններով:
