Մխիթարյանը խոսել է «Բավարիայի» հետ խաղի մասին
Հայաստանի ազգային հավաքականի և Դորտմունդի «Բորուսիայի» կիսապաշտպան Հենրիխ Մխիթարյանը խոսել է Բունդեսլիգայի հաջորդ՝ Մյունխենի «Բավարիայի» հետ խաղի մասին:
Մխիթարյանը նշել է, որ մյունխենցիներն այս մրցաշրջանում պարտվել են թե՛ Բուդեսլիգայում, թե՛ Չեմպիոնների լիգայում:
«Հարգում ենք մյունխենցիներին, սակայն լավ գիտենք, որ կարող ենք հաղթել նրանց, այնպես, ինչպես հաճախ հաղթել ենք»,- նշել է Հենրիխը:
Հենրիխը խոսել է նաև իր պայմանագրի երկարաձգման մասին՝ նշելով, որ թիմակիցների որոշումները չեն կարող ազդել իր որոշման վրա:
Բուդեսլիգայի գլխավոր հակամարտություններից մեկը տեղի կունենա մարտի 5-ին «Սիգնալ Իդունա պարկ» մարզադաշտում:
Սիրարփի Աղաբաբյան
