Շախմատի աշխարհի չեմպիոնի կոչման համար խաղում մասնակիցները կխաղարկեն 1 միլիոն դոլար
Նորվեգացի Մագնուս Կարլսենը Նյու Յորքում կխաղա հավակնորդների մոսկովյան մրցաշարի հաղթողի հետ:
Տիտղոսի համար խաղը տեղի կունենա նոյեմբերին, Նյու Յորքում: Աշխարհի չեմպիոն Մագնուս Կարլսենը կհանդիպի հավակնորդների մրցաշարի հաղթողի հետ, որը կանցկացվի Մոսկվայում, մարտի 11-ից մինչև 28-ը:
Հավակնորդների մրցաշարին կմասնակցեն ամերիկացիներ Ֆաբիանո Կարուանան և Խիկարու Նակամուրան, ռուսաստանցիներ Սերգեյ Կարյակինը և Պետեր Սվիդլերը, հնդիկ Վիշվանաթան Անանդը, բուլղարացի Վեսելին Տոպալովը, հոլանդացի Անիշ Գիրին և հայ Լևոն Արոնյանը:
«Մրցանակային ֆոնդը կկազմի ավելի քան 1 միլիոն դոլար, և հաղթողը կստանա դրա 60 տոկոսը»,- հաղորդել է ՖԻԴԵ-ի նախագահ Կիրսան Իլյումժինովը:
Պատրաստեց Անի Գաբուզյանը
