Հենրիխ Մխիթարյանն աշխարհի կարևորագույն ֆուտբոլիստների թվում է
World Soccer պարբերականն իր նոր համարում հրապարակել է աշխարհի 500 կարևորագույն ֆուտբոլիստների անունները: Այս ֆուտբոլիստների թվում է նաև Հայաստանի ազգային հավաքականի և Դորտմունդի «Բորուսիայի» կիսապաշտպան Հենրիխ Մխիթարյանը:
Պարբերականի առցանց տարբերակում նշվում է, որ ընտրությունը կատարվել է՝ հաշվի առնելով ֆուտբոլիստների ակումբային հաջողությունները:
Հաշվի են առնվել անգամ մանրուքները՝ երկրպագուների հետ շփումից՝ մինչև հարցազրույցներ տալու ակտիվությունը:
Պարբերականի ցանկում ընդգրկվել են թե՛ ֆուտբոլային մեծություններ, թե՛ դեռևս քիչ հայտնի երիտասարդ ֆուտբոլիստներ:
Մխիթարյանը ցուցակում ընդգրկված միակ հայ ֆուտբոլիստն է:
Սիրարփի Աղաբաբյան
