«Մրցակցի թույլ կողմերը գտնելու համար երբեմն պետք է գոլ բաց թողնել». Մխիթարյան
Դորտմունդի «Բորուսիայի» և Հայաստանի ազգային հավաքականի կիսապաշտպանը գերմանացի լրագրողների հետ խոսել է ակումբի ծրագրերի և Բունդեսլիգայում հաղթելու հնարավորությունների մասին:
Մխիթարյանը նշել է, որ դորտմունդյան ակումբն անում է ամեն բան «Բավարիայի» հիմնական մրցակիցը լինելու համար:
««Բավարիան» «Ռեալի» և «Բարսելոնայի» մակարդակի ակումբ է: Մենք կարող ենք հասնել նրանց: Ֆուտբոլում անհնարին բան չկա: Մենք պետք է շարունակենք լավ խաղալ և հաղթել: Մրցակցի թույլ կողմերը գտնելու համար երբեմն պետք է գոլ բաց թողնել: Մենք, իհարկե, չենք ցանկանում գոլեր բաց թողնել, բայց եթե շարունակես հաղթել՝ առանց գնդակ բաց թողնելու, ապա կսկսես մտածել, որ ամեն ինչ իդեալական է, իսկ դա միշտ չէ, որ լավ արդյունք է թիմի համար»,- նշել է Մխիթարյանը:
Սիրարփի Աղաբաբյան
