«Բոլոր տանը մնացածները նման հայտարարություններ են անում, եթե չկան առաջարկություններ». Վահրամ Բաղդասարյանը՝ Լևոն Զուրաբյանին
Այսօր լրագրողների հետ ճեպազրույցի ժամանակ ԱԺ ՀՀԿ խմբակցության ղեկավար Վահրամ Բաղդասարյանն ասաց, որ ՀՅԴ-ՀՀԿ հնարավոր կոալիցիայի շուրջ բանակցությունները շարունակվում են, բայց նախարարական պորտֆելների հարցն այս ընթացքում դեռ չի քննարկվել:
Նրա խոսքով՝ պորտֆելների հարցի քննարկումն ամենավերջինն է լինելու.
«Պորտֆելներն ինձ համար երկրորդական են, որովհետև չեմ կարծում՝ պորտֆելները կենսական նշանակություն կարող են ունենալ մեզ համար»:
Անդրադառնալով ՀԱԿ խմբակցության ղեկավար Լևոն Զուրաբյանի ՀՀԿ-ՀՅԴ կոալիցիայի վերաբերյալ արած գնահատականներին, թե այն նման է հուզիչ և ձանձրալի սերիալի, և այն հայտարարությանը, թե կամ ամուսնանում են, կամ բաժանվում են, Վ. Բաղդասարյանն ասաց.
«Բոլոր տանը մնացածները նման հայտարարություններ են անում, եթե չկան առաջարկություններ»:
Վ. Բաղդասարյանը վստահ է, որ իրենց համագործակցությունը երկարաժամկետ է լինելու.
«Չեմ կարծում, որ կարճաժամկետ համագործակցություն կարող է լինել, այս պահին բանակցությունները միտված են ապագային»:
