Շիրակի մարզում այրվել է դպրոցի տանիքը
Tsayg.am-ը գրում է. Հունվարի 31-ին, ժամը 12.03-ին Շիրակի մարզային փրկարարական վարչություն կենդանի կանչ է եղել այն մասին, որ Իսահակյան գյուղում այրվում է դպրոցի տանիք: Դեպքի վայր է մեկնել երկու մարտական հաշվարկ, մեկ ջրատար: Հրդեհաշիջման աշխատանքներին մասնակցել են նաև գյուղի բնակիչները: Հրդեհը մեկուսացվել է ժամը 13.22-ին, մարվել` 14.40-ին: Այրվել են դպրոցի տանիքի փայտյա կառուցատարրերը` մոտ 250 քառակուսի մետր մակերեսով: Բռնկված հրդեհը մարելու ընթացքում վնասվել է մեկ դասարան, ինչը դասընթացների բնականոն ընթացքին չի խանգարի: Հրդեհի առաջացման պատճառնրը ճշտվում են:
